Sipas raportit ditor të policisë, raportohet se dje në Prishtinë ka pasur një rast të armëmbajtjes pa leje, dhe se një person ka shtënë me armë zjarri në një aheng familjar.
Njësiti policor ka dalë në vendin e ngjarjes dhe ka arritur të gjejë dy gëzhoja dhe një pistoletë gazi.
Në njoftim po ashtu thuhet se i dyshuari është dërguar për marrje në pyetje dhe me urdhër të prokurorit është liruar në procedurë të rregullt.
“ARMËMBAJTJE PA LEJE – Rr. Aleks Buda, Prishtinë 18.06.2023 – 19:30. Është arrestuar i dyshuari mashkull kosovar për shkak se në një aheng familjar kishte shtënë me armë zjarri. Njësitë policore kanë dalë në vendin e ngjarjes me ç’rast kanë gjetur dy gëzhoja kurse nga i dyshuari kanë sekuestruar një pistoletë me gas. I dyshuari pas intervistimit me urdhër të prokurorit është liruar në procedurë të rregullt”, është njoftuar në raportin policorë
