30 pjesëtarë të policisë, Forcës së Sigurisë së Kosovës dhe vullnetarë janë të angazhuar në aksionin e kërkim shpëtimit në lumin Lepenc.
Kështu ka bërë të ditur Ministri i Punëve të Brendshme, Xhelal Sveçla, i cili tha se ata po e bëjnë maksimumin e tyre në lokalizimin dhe nxjerrjen e personave nga lumi.
“Aktualisht ndodhen 30 pjesëtarë të Policisë së Kosovës, Forcës së Sigurisë së Kosovës dhe vullnetarë profesionistë të kërkim shpëtimit, të cilët në koordinim dhe bashkëveprim me ekipet profesionale të Maqedonisë së Veriut janë duke e bërë maksimumin e tyre në lokalizimin dhe nxjerrjen e personave nga lumi”, shkroi ai.
