Xhelal Sveçla, ministër i Brendshëm, ka njoftuar se sot, Policia e Kosovës në Jarninjë ka arrestuar edhe një person tjetër që ka sulmuar gazetarët në veri, shkruan Gazeta Metro.
Ministri ka shtuar se i arrestuari është Dalibor Spasic.
Pos këtyre, ministri ka përgëzuar njësitet përkatëse të PK’së për efikasitetin.
ADVERTISING
Postimi i plotë:
Sot është arrestuar nga Policia e Kosovës në Jarinje edhe një sulmues i gazetarëve në veri, krimineli Dalibor Spasic.
Përgëzoj njësitet përkatëse të Policisë së Kosovës për efikasitetin dhe punën e vazhdueshme me qëllim të vendosjes së rendit dhe ligjit në çdo cep të Republikës së Kosovës.
Në vendin tonë demokratik aktet kriminale nuk kalojnë pa pasoja. Këtë duhet ta dijnë edhe ata për të cilët nuk ka pasur pasoja ligjore për gjithë këto vite. Republika nuk zmbrapset përballë kriminelëve e milicisë fashiste
