Asociacioni i Gazetarëve të Kosovës, është shprehur i shqetësuar dhe i tronditur me pezullimin e certifikatës së Klan Kosovës nga ana e Ministrisë së Industrisë, Ndërmarrësisë dhe Tregtisë, shkruan Gazeta Metro.
Në reagimin e AGK’së shtohet se, këtë veprim të qeverisë të udhëhequr nga Albin Kurti, si të paprecedentë në historinë e re të Kosovës dhe se, kjo është përpjekje për të diktuar dhe kontrolluar përmbajtjen mediale të Klan Kosovës.
Postimi i plotë:
ADVERTISING
AGK-ja e shqetësuar me pezullimin e certifikatës së biznesit të Klan Kosova
Asociacioni i Gazetarëve të Kosovës është thellësisht i tronditur me njoftimin e Ministrisë së Industrisë, Ndërmarrësisë dhe Tregtisë për pezullimin e licensës së biznesit të televizionit kombëtar privat, Klan Kosova, përmes një vendimi të pargumentuar, pa specifikim të bazës ligjore dhe pa paralajmërim.
AGK-ja, e konsideron veprimin e qeverisë së kryeministrit, Albin Kurti, dhe Lëvizjes Vetëvendosje, si të paprecedentë në historinë e re të Kosovës, dhe përpjekje direkte për të diktuar dhe kontrolluar përmbajtjen mediale të Klan Kosovës. Në veçanti, ne jemi të shqetësuar me fatin e kolegëve tonë gazetarë, kameramanë dhe punëtore të tjerë të Klan Kosovës të cilët do të afektohen direkt negativisht nga ky vendim arbitrar. Konsiderojmë gjithashtu që ky vendim është marrë për të dërguar mesazh tek mediat tjera dhe është dëshmi e pakontestueshme që liria e medias dhe e shprehjes asnjëherë nuk ka qenë më në rrezik se sa aktualisht.
AGK-ja, do të jetë në kontakt me organizatat partnere ndërkombëtare për lirinë e medias për të denoncuar këtë akt të Qeverisë
