Ministri i Punëve të Brendshme, Xhelal Sveçla është nisur për të vendi i quajtur Tresave/Bare, aty ku janë kidnapuar tre zyrtarët e Policisë së Kosovës nga Serbia.
RTK ka publikuar disa fotografi të Sveçles ku është nisur në vend ngjarje, pasi që ka arritur në pikën kufitare në Jarinjë.
Ndërsa pak më herët edhe vet Sveçla ka reaguar për kidnapimin e tre policëve, duke thënë se Serbia kriminale ka hyrë në territorin e Kosovës”.
“Pa asnjë dyshim, zyrtarët tanë policorë kanë qenë të vendosur thellë brenda territorit të Republikës së Kosovës, në pikë kontroll statik, duke kryer detyrat e tyre të rregullta. Serbia po vazhdon të jetë shkaktar dhe gardian i së keqes në rajon e në Kosovë. Ne nuk zmbrapsemi para kriminelëve e terroristëve. Serbia po tregon përsëri fytyrën e saj të vërtetë dhe atë të një shteti autokrat e agresor.” – ka thënë ai.
