Dy turistë anglezë në Dhërmi janë vënë në pranga dhe një tjetër është shpallur në kërkim, pasi dyshohet se në bashkëpunim shpërndanin lëndë narkotike në zonën bregdetare.
Policia bën me dije se tre shtetasit anglezë që pretendonin se kishin ardhur në Shqipëri për turizëm, në të vërtetë merreshin me shpërndarja dozash të lëndës narkotike, kryesisht në lokalet e natës dhe në aktivitetet e ndryshme të argëtimit që zhvillohen në bregdet, gjatë sezonit turistik.
Gjatë kontrollit policia sekuestroi doza të lëndës narkotike si dhe para që dyshohet se i kishin përfituar nga ky aktivitet.
Materialet procedurale i kaluan Prokurorisë, për veprime të mëtejshme
