UEFA ka akuzuar trajnerin e Romës, Jose Mourinho, për përdorimin e fjalëve fyese ndaj një gjyqtari pas humbjes të së mërkurës në finalen e Ligës së Evropës ndaj Sevillës në Budapest.
Mourinho u filmua duke abuzuar me arbitrin Anthony Taylor në parkingun e stadiumit, i cili më vonë u ngacmua në aeroportin lokal nga tifozët e Romës.
Të dy Roma dhe Sevilla janë akuzuar për sjellje të padisiplinuar të tifozëve dhe sjellje të lojtarëve.
Vetëm Mourinho u akuzua dhe pritet që të dënohet për “gjuhë fyese ndaj një zyrtari të ndeshjes”.
Organi i kontrollit, etikës dhe disiplinës i UEFA-s (CEDB) do të vendosë për këtë çështje në kohën e duhur.
