Ministri i Punëve të Jashtme të Maqedonisë së Veriut, i cili është edhe Kryesues i OSBE-së, Bujar Osmani, ka mbështetur tri kërkesat e Bashkimit Evropian për gjendjen në veriun e Kosovës.
Osmani ka shkruar se i bashkohet Borrellit në thirrjen për zgjedhje të reja, pjesëmarrjen e serbëve në to dhe krijimin e Asociacionit.
“I bashkohem thirrjes për zgjedhje të reja, kthimin e serbëve në institucioneve dhe zbatimin e plotë të marrëveshjeve, përfshirë edhe ato më të fundit të arritura në Ohër”, ka shkruar Osmani në llogarinë e tij në Tëitter.
Tutje, ai ka shkruar se mbështet fuqishëm dialogun Kosovë – Serbi.
“Si Kryesues nga Maqedonia e Veriut i OSBE-së mbështes Dialogun e Fascilituar nga BE si mënyra e vetme për shtensionim dhe sigurim të një stabiliteti të qëndrueshëm. OSBE qëndron e gatshme për të ndihmuar”, vazhdoi ai.
Kështu shkruante Borrell mbrëmë pas takimit me presidenten Osmani, kancelarin Scholz dhe presidentin Macron.
“Kemi tri kërkesa të qarta: Zgjedhje të reja menjëherë; garantim të pjesëmarrjes së serbve në ato zgjedhje; nisja e punës së themelimit të Asociacionit të Komunave të banuara me shumicë serbe brenda Dialogut të Lehtësuar nga BE. Dështimi për ta bërë këtë, do të ketë pasoja serioze në marrëdhëniet tona”.
“Në të kundërtën, do të ketë pasoja”, thoshte Borrell.
