“Nuk ka dëshmi për prezencë të brigadave të Wagner në këto zona (pjesën veriore të Kosvoës)”, ka thënë Komandanti i KFOR-it, Gjeneral Majori Angelo Michele Ristuccia, në një intervistë për gazetën italiane “La Republika”. Këtë koment ai e bëri duke u përgjigjur rreth një shkrimi izraelit “Alarm Terrori” se brigada të mercenarëve famëkeq të Wagner mund të jenë duke ia mësyer Kosovës, për çka Ristuccia u shpreh se janë “lajme të paverifikuara” dhe “produkt keqinformimi”.
Në këtë intervistë, Gjeneral Majori italian ka thënë edhe një tablo mjaft të errët të ngjarjeve të së hënës ku shpërtheu dhunë masive nga protestuesit ndaj forcës paqeruajtëse të NATO’s në Kosovë e ku si pasojë mbetën të plaguar rreth 30 trupa të KFOR’it. Komandanti tha se po të mos ishte për intervenimin e KFOR’it atë ditë, “sot do të ishim duke mbajtur zi për të vdekur” teksa fajtor e bëri Kryeministrin e Kosovës, Albin Kurti, për kursin e tij “kryeneç” të instalimit me forcë të tre kryetarëve shqiptarë në veri pavarësisht këshillave ndërkombëtare që të mos e bënte.
“Këtu është një teatër operues në një situatë skajshmërisht të paqëndrueshme. Këtë term e them me vetëdije. Situata mund të ndërrojë në çast për shkak të ndonjë ngjarje në dukje të parëndësishme. Të hënën, une organizova paraprakisht një kontingjent ushtarësh në katër komunat të banuara me shumicë serbe për rastin e kryetarëve të zgjedhur shqiptarë. Rreziku ishte i lidhur me faktin se Kryeministri Kurti vendosi të vazhdonte zbatimin e emërimit të atyre krytetarëve pavarësisht protestave të serbëve dhe dyshimeve nga komuniteti ndërkombëtar”, ka thënë Komandanti i KFOR’it.ezencen
