Ish-i dërguari i Bashkimit Evropian për Kosovën, Wolfgang Petritsch, beson se ngjarjet e fundit në veri të Kosovës tregojnë se dialogu ka dështuar dhe se nevojitet një strategji e re.
Ai ka thënë për Kosova Online se është shumë i shqetësuar për situatën aktuale në veri të Kosovës, transmeton Klankosova.tv.
“Duhet të merret parasysh nëse kjo është dëshmi se dialogu ka dështuar dhe se Brukseli duhet të zhvillojë një strategji të re që do të përfshijë kushtëzime dhe afate të qarta”, theksoi ai.
Petritsch ka deklaruar më tej se nëse nuk fillon shpejt procesi i formimit të Asociacionit të Komunave me shumicë, mund të thuhet se dialogu ka dështuar dhe se strategjia do të duhet të ndryshohet.
