Gjykata ndërkombëtare e Hagës të mërkurën ka zgjatur dënimin e dy aleatëve të ish presidentit serb Slobodan Milosevic, Jovica Stanisic dhe Franko Simatovic duke i mbajtur ata përgjegjës për përfshirje në krime në Bosnje dhe Kroaci si anëtarë të një plani kriminal për spastrimin etnik e etnive jo serbe nga ato rajone gjatë luftërave të ish Jugosllavisë.
Gjykata e Apelit në Tribunalin Ndërkombëtarë të Hagës ka hedhur poshtë argumentet apeluese të Stanisic dhe Simatovic duke i bërë përgjegjës ata për përfshirje në plane kriminale gjatë luftërave të viteve 90 dhe ua ka rritur dënimin nga 12 vjet në 15, raporton ‘The Associated Press‘, njofton Gazeta Papirus.
Gjykatësi Graciela Gatti Santana ka thënë se 2 personat kanë ndarë qëllimin për të dëbuar dhunshëm shumicën jo serbe nga rajone të tëra të Kroacisë dhe Bosnia dhe Herzegovinës sipas komisionit të krimeve.
Përfundimi i këtij apelimi përfundon njërën nga gjykimet më të gjata të krimeve të luftës sa i përket ngjarjeve në Ballkanin e viteve 90.
Stanisic ishte i pranishëm fizikisht në gjykatë ndërsa Simatovic përcolli seancën virtualisht nga qelia e tij.
Ish-shefi i SDB’së, Stanisic, dhe Simatovic, ish-komandanti i Njësisë së Operacioneve Speciale të drejtuar nga SDB’ja, akuzoheshin se kanë qenë protagonistë në një sipërmarrje të përbashkët kriminale të udhëhequr nga presidenti i atëhershëm serb, Sllobodan Milloshevic, me qëllim largimin e përhershëm dhe të detyrueshëm të kroatëve dhe boshnjakëve nga pjesë të mëdha të Kroacisë dhe Bosnjës dhe Hercegovinës për të arritur dominimin serb/Gazeta Papirus/
