Gazetari Berat Buzhala ka reaguar në Facebook lidhur me tensionet në veri të Kosovës ku me asistencë të policisë së Kosovës, kryetarët e zgjedhur të komunave veriore kanë hyrë në institucione. Kjo është përcjellur me përplasje të mëdha mes protestuesve dhe policisë ku janë dëgjuar edhe të shtëna me armë zjarri.
Buzhala në reagimet e tij në Facebook ka thënë se kryeministri i Kosovës, Albin Kurti po don ta ndajë Kosovën në mënyrë të dhunshme, siç shprehet ai.
“Albini po don me nda Kosovën në mënyrë brutale. Po don me e nda me dhunë”, ka thënë Buzhala, derisa në një postim tjetër e ka quajtur “të krisur” kryeministrin e Kosovës.
Buzhala në postimin e radhës ka thënë se kryeministri i Kosovës, Albin Kurti “nuk është as patriot e as nacionalist”.
Ai nuk është kursyer në gjuhë, derisa e ka quajtur “të krisur” kryeministrin Kurti, derisa thotë se e ka kthyer Amerikën kundër Kosovës.
“Hajt ta shohim rezultatin tash”, ka shkruar Buzhala.
