Dëshmitari 7 po e vazhdon dëshminë e tij në Dhomat e Specializuara të Hagës.
Ai është marrë në pyetje nga avokati i viktimave.
Dëshmitari 7 ka thënë se është ndaluar në kohën e luftës, dhe pasojat e asaj kohe i ka vuajtur gjatë gjithë kohës së pasluftës.
Ai ka thënë se është trajtuar nga psikologu në Zvicër, pasi kujtimet nuk i hiqeshin nga koka.
Dëshmia e tij:
Avokati i viktimave: Na dhe një fotografi të plagës që kishe në shpatull.
Dëshmitari: Po
Avokati i viktimave: Do t’iu kërkoja ta vendosni në ekran por nuk duhet të transmetohet për publikun.
Avokati i viktimave: Kur është bërë fotografia?
Dëshmitari: Qetash vonë është bërë
Avokati i viktimave: Burgosja dhe ndalimi, pati ndonjë efekt psikologjik për ju?
Dëshmitari: Po.
Avokati i viktimave: A mund t’i tregoni gjyqtarëve çfarë efekti psikologji pati për ty kjo gjë?
Dëshmitari: Për mjekim, për medikamente.
Avokati i viktimave: Nëse mundesh, nëse e ndjen, t’i tregosh trupit gjykues çfarë pasojash pati për ty dhe si i përjeton ti në jetën tënde në mendjen tënde?
Dëshmitari: Shumë keq. I kam përjetuar, kam hala mendimet s’më hiqen kurrë. Shumë më kujtohen këto. Më tmerr nuk ka.
Avokati i viktimave: Për shkak të këtyre vështirësive të është dashur të takosh ndonjë profesionistë?
Dëshmitari: Po
Avokati i viktimave: A të kujtohet kur ka ndodhur?
Dëshmitari: Edhe kështu kur jam dalë jashtë shtetit kam pas mjekime vazhdimisht. Të gjitha i kam pas të përditshme.
Avokati i viktimave: Ke takuar ndonjë psikolog?
Dëshmitari: Po. Në Zvicër atje nja dy vjet jam shkuar vazhdimisht te psikologu. Por kujtimet apët nuk më hiqen.
Avokati i viktimave: A e di se çfarë diagnoze dha psikologu, ose a të tha ndonjëherë psikologu çfarë probleme kishe nga pikëpamja mjekësore?
Dëshmitari: I tregova që e kam këtë problem, dhimbje në trup. Dhimbje koke, psiqikisht herë pas herë nuk isha mirë, kam pasur biseda me të i kam treguar, dhe ata të gjitha llojet i kanë sa i përket për qetësim e për diabet, dhimbje koke, të gjitha. Nuk di me i përshkru sa hapat i kam.
Avokati i viktimave: Pak më herët the se ke takuar psikologun për ca kohë dhe e takoje rregullisht. A ta dha ndonjëherë mendimin e vet për vështirësitë që kishe ti?
Dëshmitari: U freskojsha pak, apet i kisha qato. 2 vjet jam shku te ai.
Avokati i viktimave: Ta treguan diagnozën e problemeve që kishe?
Dëshmitari: Veç me hapa me përballu, se shumë keq je.
Avokati i viktimave: A të tha çka kishe ti?
Dëshmitari: Krejt problemet i kam gjatë luftës e këndej që kam kujtime. Nuk më fshihen prej trunit. Me marrë tulifar hapa të qetësimit.
