Policia e Kosovës përmes një njoftimi për media ka bërë të ditur, se kanë arrestuar një person, në kufirin Kosovë-Serbi, në brezin kufitar, Sharpeli-Jarinje. Sipas Policisë, personi M.J, i arrestuar, po drejtonte një automjet, golf karavan, e brenda tij, iu gjet një armë automatike (mitraloz).
Tutje në njoftim thuhet se për të njejtin është inicuar procedurë për “Kalim të paautorizuar të kufirit, dhe Mbajtja në pronësi kontroll ose posedin të paautorizuar të armëve”.
Njoftimi i plotë:
Policia Kufitare e Kosovës, gjatë realizimit të detyrave dhe autorizimeve ligjore në parandalimin e veprave penale dhe garantimin e sigurisë, ë datë 22.05.2023, rreth orës 12:50, në Sharpelj-Jarinje, në brezin kufitar Republika e Kosovës-Serbi ka ndaluar personin e dyshuar me iniciale M.J.(1984), i cili ishte duke drejtuar automjetin Golf karavan, ngjyrë e bardhë, me targa serbe, i cili dyshohet se udhëtonte në drejtim të Serbisë përmes rrugëve ilegale.
Gjatë realizimit të kontrollit të automjetit, konkretisht në bagazh të automjetit, të dyshuarit i është gjetur një armë automatike (mitraloz).
Policia e Kosovës ka ndërmarr veprimet e nevojshme ligjore, arma është konfiskuar dhe pas konsultimit me prokurorin ndaj të dyshuarit është iniciuar lënda në procedurë të rregullt për ”Kalim të pa autorizuar të vijës kufitare” dhe “Mbajtja në pronësi, kontroll ose posedim të paautorizuar të armëve”.
