Këtë vitë shënohen dy vite jubilare 150 vjetori i lindjes dhe 90 vjetori i vdekjes së kolosit kombëtar, Hasan Prishtina.
Sipas njoftimit, Insistuti i Trashëgimisë Shpirtërore dhe Kulturore të Shqiptarëve nga Shkupi dhe Fondacioni “Hasan Prishtina, kanë paraparë një sërë aktivitetesh tematike që lidhen me jetën dhe veprën e kolosit tonë kombëtar, Hasan Prishtina, shkruan Gazeta Papirus
“Do të organizohen tribuna, konferenca, ekspozita në Prishtinë, Shkup, Tiranë dhe në disa qendra të hapësirës shqiptare, me ç’rast studiues dhe krijues të ndryshëm, do të shpalosin dimensione të reja nga jeta dhe vepra e Hasan Prishtinës.”, thuhet në njoftimin e tyre. /Gazeta Papirus/
Njoftimi i plotë:
Sivjet shënojmë dy jubile për një personalitet të rëndësishëm – 150 vjetorin e lindjes dhe 90 vjetorin e vdekjes së Hasan Prishtinës.
Për të qenë sa më dinjitoz këta jubilej, Instituti i Trashëgimisë Shpirtërore dhe Kulturore të Shqiptarëve nga Shkupi dhe Fondacioni “Hasan Prishtina” kanë paraparë një sërë aktivitetesh tematike që lidhen me jetën dhe veprën e kolosit tonë kombëtar, Hasan Prishtina. Do të organizohen tribuna, konferenca, ekspozita në Prishtinë, Shkup, Tiranë dhe në disa qendra të hapësirës shqiptare, me ç’rast studiues dhe krijues të ndryshëm, do të shpalosin dimensione të reja nga jeta dhe vepra e Hasan Prishtinës.
Në shënimin e këtyre dy jubileve, është pritur se do të përfshihet edhe Universiteti i Prishtinës “Hasan Prishtina”, por si duket udhëheqja e këtij universiteti çuditërisht është e preokupuar me një iniciativë absurde që është atakim i drejtpërdrejt i emrit dhe lavdisë së Hasan Prishtinës.
Ftojmë mediat dhe botën intelektuale e akademike shqiptare që t’i bashkëngjiten karvanit tonë për shënimin e 150 vjetorit të lindjes dhe 90 vjetorit të vdekjes së Hasan Prishtinës.
“MOS MA PREK HASAN PRISHTINËN!”
