Sulmuesi i Real Madridit, Marco Asensio thotë se nuk e di nëse do të vazhdojë karrierën në “Santiago Bernabeu”.
Kontrata e spanjollit kanë ngecur që disa muaj pavarësisht që i skadon në verë dhe është duke u kërkuar nga disa klube të njohura evropiane.
Për “beIN Sports”, Asensio e pranoi se ekziston mundësia që të mos jetë më te Real Madridi, por këtë do ta mendojë më vonë.
“Sinqerisht, nuk e di se çfarë do të ndodh. Nuk kam menduar ose peshuar një gjë të tillë. Nuk mund të jap një përgjigje tani“.
“Spekulimet janë normale, jam lojtar i lirë për të nënshkruar me ndonjë klub që nga korriku. Jemi në një botë që ka shumë spekulime dhe unë nuk mund ta kontrolloj këtë gjë“, deklaroi ai.
Asensio vazhdon të mos zërë pozitën në 11-shen bazë te Carlo Ancelotti, i cili zakonisht e përdor si inkuadrues edhe pse spanjolli ka dëshmuar kualitetin disa herë.
Së fundmi është raportuar se Asensio mund të përfundojë në Premierligë, me trajnerin Unai Emery që po e kërkon me patjetër te Aston Villa, skuadër tek e cila kah mahnitur të gjithë këtë edicion.
Real Madrid në anën tjetër tashmë i ka dërguar një ofertë zyrtare Asensios mirëpo që agjenti Jorge Mendes po preferon ta largojë tek një skuadër që mund t’i ofrojë më shumë para.
Në të kaluarën interesim për Asension patën shprehur edhe Arsenali dhe Manchester Unitedi, mirëpo tani të dy gjigantët evropianë janë fokusuar në disa shënjestra tjera.
