Sadri Ramabaja është zgjuar nga ulësja e tij në emisionin Pressing në T7 dhe nuk ka pranuar të rri në të njëjtën studio me Parim Ollurin.
Panelistët Sadri Ramabaja, Ilir Mirena dhe Parim Olluri kanë replikuar në emisionin Pressing në T7 lidhur me rolin e ambasadorit Martin Berishaj në aferat me shitje të energjisë elektrike. Ramabaja tha se Berishaj ka punime të shumta shkencore të cilat janë cituar botërisht.
Ndërkohë Mirena ia ktheu se në punimet e tij, Berishaj e ka të cituar edhe një akademik serb famëkeq.
“Aq vlejnë punimet e tij.
Ka të cituar edhe Dobrica Qosiqin”, ia ktheu ai. Ndërkohë në një moment debati eskaloi në sarkazëm nga ana e Mirenës ndaj të cilit reagoi Ramabaja.
“Lëre humorin katunaresk për odat e Drenciës”, tha Ramabaja.
Ndërsa Ramabaja po debatonte me panelistët për arritjet e qeverisë, kur i ndërhyri Olluri i cili nuk e la të fliste dhe të përfundonte fjalinë.
“Qohu dil jashtë. Mbylle gojën, rrugaç”, i tha Olluri.
Këtu Ramabaja u zgjua.
“Ose ky ose unë. Nuk rri me ksi rrugaça. Mos më thirr kurrë më me këso”, reagoi ai.
“Dil jashtë e mos të shoh më këtu”, i tha përsëri Olluri.
