Ndalohet valëvitja e flamujve rusë në Gjermani

Një gjykatë në Berlin ndaloi që flamujt dhe simbolet ruse të ekspozoheshin rreth tri monumenteve sovjetike në kryeqytetin gjerman gjatë përkujtimit të Luftës së Dytë Botërore.

Gjykata më e lartë administrative tha se ishte dakord me policinë që kishte frikë se flamujt rusë dhe shiritat e Shën Gjergjit mund të interpretoheshin si simbole të mbështetjes për luftën e Rusisë në Ukrainë.

“Në kontekstin aktual, ato mund të kuptohen si një deklaratë simpatie për luftën dhe përcjellin një gatishmëri për të përdorur dhunën”, tha gjykata në një deklaratë, shkruan Al Jazeera.

Policia fillimisht kishte ndaluar flamujt ukrainas dhe rus në përkujtimore më 8 dhe 9 maj, kur përkujtohet fundi i Luftës së Dytë Botërore çdo vit. Ata kishin argumentuar se “respekti për këto memorialë dhe monumente duhet të ruhet në sfondin e luftës së vazhdueshme Rusi-Ukrainë”.

Tags: Berlin europa gjermania rusia