Katy Perry ishte e ftuar në kurorëzimin e mbretit Charles III. Por këngëtarja u bë virale kur nuk ka mundur të gjejë vendin e saj mes të pranishmëve në Westminster Abbey.
Katy shihej e shqetësuar dhe duke u endur nëpër Westminster Abbey në kërkim të një vendi për t’u ulur. Më në fund ajo arriti të gjente vendin e saj për të parë kurorëzimin e Mbretit, por përdoruesit e rrjeteve sociale nuk e lanë pa komentuar këtë moment.
“Mos u shqetësoni njerëz, e gjeta vendin tim”, reagoi Katy në Twitter.
Sikur të mos mjaftonte kjo, përpara se të hynte në Westminster Abbey, Katy Perry u pengua nga takat e saj dhe gati sa nuk u rrëzua.
