Në Gjakovë sot do të kujtohet 24-vjetori i “Epopesë së Çabratit”.
Në këtë betejë, për lirinë e Kosovës ranë shtatë dëshmorë e 41 civilë.
Po ashtu më 7 e 8 maj, 43 qytetarë të kësaj lagje u rrëmbyen dhe u zhdukën nga ana e forcave policore dhe ushtarake të Serbisë.
Datat 7, 8 dhe 9 maj të vitit 1999, për shumë nga qytetarët e Gjakovës, që atëherë kanë qenë në qytet, do të kujtojnë momentet e luftimeve të ashpra mes forcave të Ushtrisë Çlirimtare të Kosovës dhe policisë, ushtrisë dhe paramilitarëve serbë.
Misioni i kësaj beteje ka qenë mbrojtja e mijëra civilëve në qytetin e Gjakovës.
