Trajneri i Borussia Dortmundit, Edin Terzic, thotë se klubi nuk është i shqetësuar nga spekulimet se mesfushori Jude Bellingham do të largohet për në Real Madrid këtë verë.
Sipas mediave spanjolle, Bellingham është afër finalizimit të një marrëveshjeje me Real Madridin që do ta shohë atë t’i bashkohet klubit me një kontratë gjashtëvjeçare.
Megjithatë, asgjë nuk është konfirmuar nga asnjëra palë dhe Terzic thotë se pala gjermane është mësuar me spekulime të tilla, pasi është përballur me situata të ngjashme me Erling Haaland dhe Jadon Sancho, të cilët më pas u larguan për t’iu bashkuar Manchester Cityt dhe Manchester United.
“Tani lajmet vijnë nga Spanja, më parë vinin nga Anglia, më parë erdhi edhe nga Franca në një moment”, tha trajneri në një konferencë për shtyp.
“Vitin e kaluar ishte Erling, një vit më parë ishte Jadon. Ne kemi pasur shumë përvojë me këtë gjatë viteve të fundit”.
“Jude vjen këtu çdo ditë dhe jep gjithçka për t’u bërë kampion i Gjermanisë në fund të sezonit. Unë as që kam dëgjuar prej tij që ai është i përfshirë në ndonjë klub. Ne jemi shumë më të shqetësuar se si mund ta bëjmë atë dhe ekipin më të mirë. Kjo është e vetmja temë që kam aktualisht me të. Pjesa tjetër janë tema që nuk kanë vend në dhomën e zhveshjes apo në zyrën e menaxherit. Gjithçka që na intereson tani është të sigurohemi që të kemi diçka vërtet të bukur për të mbajtur në duart tona në fundin e sezonit”.
Bellingham, 19 vjeç, ka ende dy vite në kontratën e tij me Dortmundin, por spekulimet për të ardhmen e tij janë duke u ndërtuar prej disa kohësh.
Përveç Real Madridit, edhe Liverpool dhe Manchester City janë lidhur me yllin anglez, megjithëse Reds thuhet se janë tërhequr për shkak të çmimit të kërkuar prej 120 milionë milionë euro nga Dortmundi.
Dortmundi këtë vikend do të ketë punë me Ëolfsburgun, në tentim për t’u rikthyer në pozitën e parë në Bundesliga, katër javë pa përfunduar kampionati.
