Në pjesën e fundit të deklaratës së tij para gazetarëve, kryediplomati evropian u shpreh i shqetësuar në lidhje me pikën e tretë të takimit mes kryeministrit Albin Kurti dhe presidentit Aleksandër Vuçiq, duke thënë se zgjedhjet në veri nuk ofrojnë zgjidhje afatgjatë.
Në konferencën për media, Borell ka thënë madje se zgjedhjet mund të kenë efekt të kundërt dhe “potencial për të dërguar drejt përshkallëzimit”.
“Një pikë e fundit, më pak pozitive. Diskutuam çështjet aktuale, gjendjën në terren shpreha edhe një hap, brengën tonë, sa i përket gjendjes në veri të Kosovës, pas zgjedhjeve të fundit me një dalje të shkallës së ulët. Është e qartë, duke marrë parasysh këtë shkallë tejet të ulët, se këto zgjdhje nuk është se ofrojnë zgjidhje politike afatgjatë. E kundërta, ndoshta kanë potencial për të dërguar drejt përshkallëzimit dhe për të minuar implementimin e marrëveshjes së Ohrit. Nuk duam që kjo të ndodhë, është rrezik i madh, kështu që kamë inkurajuar të dyja palët që u mundëson serbëve që shpejt të kthehen në institucioneve që i braktisën nëntorin e kaluar.” – tha ai.
Shefi i diplomacisë evropiane e bëri të qartë se është i brengosur, derisa bëri thirrje që bisedimet të vazhdojnë shpejt.
“Jo vetëm unë që jam i brengosur fort, të dy liderët po ashtu, pranuar peshën e gjendjes në terren dhe është e qartë që veprime konkrete nga të dyja palët janë të domosdoshme, por fatkeqësisht, dy liderët nuk arritën pajtim sot dhe kam frikë që do të përballemi, ndoshta, me një situatë kritike. Bisedimet duhet të vazhdojnë shpejt.” – deklaroi Borell.
