Themeluesi i Facebook, Mark Zuckerberg deklaroi gjatë një videokonference se platforma më e madhe e rrjeteve sociale do të bëjë një ndryshim shumë të madh duke mos iu rekomanduar më përdoruesve të saj grupe me përmbajtje politike.null
“Kemi si qëllim që grupet civile dhe politike t’i mbajmë larg sugjerimeve për një kohë të gjatë dhe duam ta shtrijmë këtë gjë në nivel global”, tha Zuckerberg.
Gjithashtu ai shtoi se Facebook do të ulë shfaqjen e postimeve me përmbajtje politike në faqen kryesore “news feed” të përdoruesve.
Muajt e fundit, Facebook u vu në qendër të kritikave pasi vendosi të mbyllë llogarinë e ish presidentit të Shteteve të Bashkuara të Amerikës, Donald Trump ndërsa ishte ende në detyrë, duke thënë se shkelte rregullat e rrjetit social./ drenica.live/
