Një video e publikuar nga autoritetet tregon momentin, ku një vajzë ngacmohet seksualisht nga një 25-vjeçar. Ky i fundit është identifikuar si Xhejson Bregu, dhe vënë në pranga, ndërsa mësohet se ka ngacmuar seksualisht dy shtetase, një nga të cilat e mitur.
Kjo e fundit ka raportuar rastin në polici, ndërsa ka bërë me dije se ngacmimi ka ndodhur gjatë kohës që ndodhej në ashensor me 25-vjeçarin.
“Nga veprimet hetimore ka rezultuar se 25-vjeçari ka ngacmuar seksualisht 15-vjeçaren, në ashensorin e pallatit, si dhe një shtetase të huaj, në parkingun e një qendre tregtare”, njofton policia.
Mësohet se gjatë kontrollit policia i gjeti 25-vjeçarit, një sasi lënde të dyshuar narkotike kanabis, e cila u sekuestrua në cilësinë e provës materiale.
Materialet i kaluan Prolurorisë, për veprime të mëtejshme procedurale.
