Lideri i AAK-së, Ramush Haradnaj, i ka reaguar ministres së Dritësisë, Albulena Haxhiu, e cila e ka akuzuar se ka kërcënuar ish-prokurorin Elez Blakaj.
Ai ka thënë se ministrja Haxhiu është prej njerëz të ngushtë të kryeministrit Albin Kurti.
“Gjatë fjalimit të par timin isha i penguar prej ministres, kjo është zonjë dhe më vjen keq të përdor ndonjë fjalor. Megjithatë, vazhdimisht jam i penguar prej zonjën ministre pas shpine. E pranoj kur flet në foltore dhe faleminderit për ato që i the. Unë kam vetëm diçka me thënë, të nderuar deputet, Albin Kurti me vetëdije ka krijuar modelin e korrupsionit: lidhjeve e shkurtet e dostave. dhe në këta dosta është edhe kjo ministrja dhe janë këta që ulen këtu, jo ndoshta të gjithë, por ministrja është një prej dostave dhe i kanë dosta nëpër krejt institucionet vendimmarrëse financiare”, ka thënë Haradinaj.
Ai ka thënë se Kurti e ka krijuar modelin e korrupsionit “lidhje e shkurtër”
“Albin Kurti me vetëdije, ashtu si me vetëdije ka krijuar koncept politik VV-në, me vetëdije e ka krijuar modelin e korrupsionit: lidhje e shkurtër. Aty janë të përfshirë vetëm njerëzit me të besueshëm të tij, dhe një prej tyre është ministrja”, ka thënë Haradinaj .
