Ndeshja e pestë e gjysmëfinales së “playoff-it”, në mes të Sigal Prishtinës dhe Trepçës është caktuar të luhet të dielën.
Por, caktimi i këtij termini po konsiderohet arbitrar nga klubi prishtinas.
Me anë të një reagimi “bardhekaltrit” theksojnë se Federata e Basketbollit, ka shkelur rregulloret.
“Për shkak të pamundësisë së zhvillimit të ndeshjes të Enjten në mungesë të orarit në palestër si rezultat i ndeshjes ndërkombëtare të hendbollit mes Kosovës dhe Malit të Zi, kemi kërkuar që ndeshja të zhvillohet ose të Mërkurën ose të Premten pra 24 orë më herët ose më vonë, dhe është hera e parë në histori të basketbollit të Kosovës që një ekip të kundërshtojë një kërkesë të tillë legjitime me arsye objektive, dhe në dijeni të FBK-së”, thuhet në njoftim.
