Ministri i Punëve të Brendshme, Xhelal Sveçla, ka deklaruar se do t’u përgjigjen të gjitha kërcënimeve që vinë nga Serbia dhe grupeve kriminale të Milan Rodojçiqit pas zgjedhjeve të së dielës në komunat veriore.
Ai tha se kryetarët e rinj do të shkojnë në punë dhe nuk do të mund t’i pengojë askush. Sveçla deklaroi se Serbia ka një dorë të zgjatur në mënyrë kriminale ndaj shtetasve serb të Kosovës.
Sipas tij, “kërcënimi dhe shantazhi i Serbisë ka shkuar deri në atë shkallë sa që presidenti i Serbisë kishte deklaruar se ka një listë më serbët cilët do të arrestoheshin posa që kalojnë në Serbi”. Ai shprehet se “kjo për qytetarë të zakonshëm është e rendë, sepse Vuçiqi i cilësonte si tradhtarë ata që do të dilnin të votonin të dielën”.
Sveçla tha se Serbia ka bërë një “fitore” kriminale të dielën duke ndërhyrë në zgjedhje me kërcënime dhe shantazhe.
“Ditën e diel afër qendrave të votimit kishte njerëz që vëzhgonin procesin dhe shikonin nëse ndonjë serb do të dilte për të votuar”, vijoi i pari i MPB-së. Për Sveçlën, këta persona tashmë janë të njohur për organet e rendit të cilët shumë shpejt do të dalin para drejtësisë.
Po ashtu, ai tregoi se persona të tillë ishin aty për të identifikuar votues potencial dhe t’i raportonin Serbisë për ta.
“Ata ish-policë që kohë më parë i zhveshën uniformat e policisë së shtetit të Kosovës në veri, nuk do të mund të kthehen më në polici. Ndonjë që është nën moshën 30 vjeç dhe nuk ka të kaluar kriminale mund të jetë pjesë e konkurseve për polic, por në asnjë mënyrë ata që kanë të kaluar kriminale”.
Mes tjerash, ministri Sveçla ishte kritik ndaj segmenteve të prokurorisë duke thënë se ka dyshime për rastin e arrestimit të ish-shefit të KEK-ut, Nagip Krasniqi.
“Qasja desktuktive e segmenteve të caktuara të Prokurorisë më bëjnë të kem dyshime në këtë rast”, tha Sveçla, sipas të cilit, e vje
