Kompania për Distribuimin e Energjisë Elektrike në Kosovë (KEDS), ka njoftuar se një linjë e nënstacionit Prishtina 6 aktualisht është jashtë funksionit.
Sipas njoftimit, thuhet se një numër i caktuar i konsumatorëve kanë mbetur pa energji elektrike, për shkak se linja 110/10 kV në nënstacionin Prishtina 6 është jashtë funksionit, shkruan arbresh.info.
Në vendin e ngjarjes ndodhet ekipi i KEDS-it, dhe për pak kohë pritet që të rikthehet furnizimi me energji elektrike.
