Një vrasje e tre viteve më parë ka vënë para drejtësisë spanjolle dy shqiptarë të moshave 27 dhe 29-vjeç.
Dy shqiptarët rrezikojnë gati 5 vite burg, pasi akuzohen se kanë vrarë me thikë një spanjoll, në vitin 2021. Mësohet se ata janë arrestuar dy ditë pas sulmit në Francë, dhe më pas u ekstraduan për në Spanjë. Gjyqi ndaj tyre do të mbahet më 26 prill në Gjykatën Provinciale të Cantabria.
Vrasja ka ndodhur më 20 janar të vitit 2021, ku të pandehurit kanë shkuar në zonën e shërbimit Hoznayo, dhe me nga një thikë rreth 33 cm e kanë qëlluar viktimën në pjesë të ndryshme në trup.
Dënimi i kërkuar nga prokurori për secilin prej tyre është katër vjet e nëntë muaj burg, si dhe privim nga mbajtja dhe përdorimi i armëve.
Përsa i përket përgjegjësisë civile, dokumenti kërkon që viktimës së parë ta dëmshpërblejnë solidarisht 8065 euro dhe të dytën 4990 euro. Përveç kësaj, ata kërkojnë që në favor të Shërbimit Shëndetësor Kantabrian të caktohet një kompensim prej 17,542 euro për shpenzimet e bëra mjekësore.
