Kryetari i Komunës së Preshevës, Shqiprim Arifi ka reaguar me një shkrim në Facebook, ku ka komentuar situatën e fundit në Kosovë në lidhje me arrestimin e kryeshefit të KEK-ut, Nagip Krasniqi.
Arifi ka thënë para disa muajsh, në Prokurorinë Themelore në Prishtinë, kanë ngritur një padi ku përmes saj thotë se kanë ofruar dëshmi rreth zhvatjes dhe keqpërdorimit të Fondit të Kosovës.
“Kemi ngritur një padi, përmes së cilës kemi ofruar dëshmi të mjaftueshme të zhvatjes dhe keqpërdorimit të Fondit të Kosovës përmes Këshillit Kombëtar Shqiptar i cili udhëhiqej nga Partia për Veprim Demokratik. Por ende nuk kemi asnjë përgjigje”.
Tutje ai ka thënë se “përveç rastit të fundit në KEK, me të cilin z. Kurti po e dëshmon praninë e korrupsionit edhe gjatë qeverisjes së tij, korrupsion ka pasur edhe në ndarjen e fondeve të Qeverisë Kurti II, apo më mirë të themi në keqpërdorimin e këtyre parave nga njerëzit e Kurtit dhe udhëhqësit e KNSH-së”, ka shkruar Arifi.
