Kandidati për deputet nga Partia Demokratike e Kosovës (PDK), Xhemshit Krasniqi, ka realizuar një takim të ngrohtë me një pjesë të familjes Konstantini në lagjen Tusuz të Prizrenit.
Në një postim në rrjetet sociale, ai ndau fotografi nga vizita dhe shprehu falënderimin për pritjen dhe mbështetjen që mori nga kjo familje e njohur për kontributin e saj të pamohueshëm ndër vite, shkruan Gazeta Papirus.
Gjatë takimit, Krasniqi u shpreh se mbështetja e tyre për të dhe për Partinë Demokratike të Kosovës është një garanci e fortë për perspektivën e të gjithëve. Ai e vlerësoi lart përkushtimin e familjes Konstantini në çdo periudhë historike dhe rolin e saj të rëndësishëm në zhvillimet shoqërore dhe politike të Prizrenit.
“ Mora zotimin se mbështetje për mua dhe Partinë Demkokratike të Kosovës do të jetë e pakontestueshme si garanc i perspektivës për të gjithë.,” theksoi Krasniqi në postimin e tij.
Ky takim reflekton përkushtimin e tij për të ndërtuar ura komunikimi dhe për të forcuar lidhjet me qytetarët e Prizrenit, duke dëshmuar angazhimin e tij për të qenë një zë i fuqishëm për ta në Kuvendin e Kosovës.
#PDK #XhemshitKrasniqi #Prizren
