Liverpooli iu fal golit të Momo Salah për të thyer 1-0 Brentfordin dhe për të siguruar fitoren e gjashtë radhazi në Premier League.
Gjithsesi, objektivi Champions League mbetet i vështirë për t’u arritur, pasi duhet të gabojë Manchester United. Dhe ekziston rreziku Brighton, një ndër skuadrat më në formë në ishull.
Jurgen Klopp vlerësoi performancën e djemve të tij, sidomos në prapavijë. “Ishte ndeshja më e mirë që kemi zhvilluar në aspektin mbrojtës sa i përket goditjeve standarde. Fituam kundër skuadrës më të mirë dhe më kreative në këtë aspekt.
Nuk u lejuam kundërshtarëve asnjë shans, duke u përballur siç duhet me kaq goditje standarde kundër. Bravo djemve, ishin shumë të përqendruar. Pashë shumë gjëra pozitive në këtë ndeshje.
Champions? Nëse United fiton dy ndeshjet shkon në 7 pikë mbi ne. Dhe praktikisht do të quhej e mbyllur gara për një vend në Champions. Pastaj është Brighton.
Nëse ata i fitojnë të gjithë ndeshjet e tyre, që ka shumë mundësi të ndodhë, do të renditen sipër nesh”, u shpreh trajneri gjerman.
