400 euro gjobë dhe dy pikë minus, Policia e dënon ashpër qytetarin në trafik

Policia e Kosovës ka njoftuar për shqiptimin e gjobave për shoferët që po shkelin rregullat e trafikut. Njëri nga ta është një vozitës i cili ka vozitur veturën e tij në gjendje të dehur dhe për këtë ai është denuar me 400 euro gjobë dhe dy pikë negative në patentë shofer, shkruan Gazeta Papirus.

Komunikata e plotë:

Drejtim i mjetit nën ndikim të alkoolit

Gjilan, 08 maj 2023

Drejtoria rajonale e Policisë Gjilan, Stacioni Policor Kamenicë në pikët të kontrollit të automjeteve në fshatin Rubovc, komuna e Kamenicës ka ndalur një automjet me targa vendore me vozitës kosovar shqiptar. Gjatë kontrollit të dokumenteve është dyshuar se vozitësi mundë të jetë nën ndikim të alkoolit.

Të njëjtit pasi që i është matur alkooli me alkool test ka rezultuar se ka qenë nën ndikim të alkoolit me 1.02 pronila.

Zyrtarët policor ndaj këtij kundërvajtësi kanë shqiptuar gjoba në vlerë prej katërqind (400) euro, dy (2) pikë negative dhe masën mbrojtëse të heqjes së patentë shoferit në afat prej nëntë (9) muaj.

Drejtoria Rajonale e Policisë në Gjilan, inkurajon mediat dhe qytetarët që për të gjitha kundërvajtjet mund të njoftojnë stacionin më të afërm të Policisë, apo përmes aplikacionit digjital “Lajmëro Policinë’’, E-mail: info@kosovopolice.com dhe numrat kundestarë:192; 03850807001. Të dhënat e juaja do të ruhen ne konfidencialitet të plotë.