Për shpërthimin në Ibër-Lepenc, Gjykata Themelore në Prishtinë ka caktuar një muaj paraburgim për njërin nga të dyshuarit.
Kjo u konfirmua nga zëdhënësja e kësaj gjykatë Mirlinda Gashi.
Kujtojmë se tetë persona arrestuan nën dyshimin se janë të implikuar me rastin, derisa vetëm njëri prej tyre u soll sot në Gjykatën Themelore në Prishtinë.
Kujtojmë se sulmin në kanalin ujor, krerët e shtetit e kanë quajtur “sulm terrorist të orkestruar nga Serbia”, teksa partnerët ndërkombëtarë të shtetit, si SHBA-ja, Britania e Madhe, Gjermania, Franca e Italia, e kanë dënuar sulmin.
