Masakra e Izbicës njihet i një ndër krimet më të rënda të Serbisë në luftën gjenocidale në Kosovë, shkruan Gazeta Papirus.
Tash 24 vjet më parë kur Serbia kishte rrethuar fshatin Izbicë dhe fshatra të tjera përreth, kishte veçuar 147 burra, të rinj e pleq, të cilët i vranë e masakruan dhe pjesën tjetër të banorëve të këtij fshati e dëbuan jashtë Kosovës.
E në këtë ditë nga Zyra e Kryeministrit kanë njoftuar se Presidentja e Kosovës, Vjosa Osmani dhe Kryeministri Albin Kurti do ta vizitojnë fshatin Izbicë për të bërë homazhe në orën 9:30, vizitë e cila do të vazhdojë më pas edhe në Podujevë, në orën 11:00.
“1. Kryeministri i Republikës së Kosovës, Albin Kurti, bën homazhe te Memoriali në Izbicë, Skenderaj. VENDI: Memoriali në Izbicë, Skenderaj, KOHA: 09:30/ 2.Kryeministri i Republikës së Kosovës, Albin Kurti, bën homazhe te varrezat e Familjes Bogujevci dhe Duriqi, në Podujevë. VENDI: Varrezat e Familjes Bogujevci dhe Duriqi, Podujevë, KOHA: 11:00”, thuhet në komunikatë.
Masakra e Izbicës u bë lajm botëror dhe hyn në radhën e krimeve më të rënda të shtetit të Serbisë./Gazeta Papirus/
