Sot janë bërë 23 vjet nga zhdukja e profesor Ukshin Hotit,
Për herë të fundit është arrestuar në vitin 1994 nga policia serbe me akuzën e ushtrimit të veprimtarisë armiqësore kundra Jugosllavisë dhe për pjesëmarrjen e tij në lëvizjen për Republikën e Kosovës, me ç’ rast ishte dënuar 5 vjet burg.
Më 16 Maj të vitit 1999 pas lirimit dhe pas daljes nga qelia e burgut të Dubravës, nga shërbimi shtetror serb zhduket nga polica serbe pa lënë gjurmë.
Shokët e burgut, ata që kanë shpëtuar nga masakra e Dubravës, disa ditë më vonë, kanë treguar se Ukshini ishte liruar nga burgu më 16 maj, ditën e diel, ditë që nuk praktikohej lirimi i të burgosurve.
Prej asaj kohe e deri tani, veprimtari i madh i çështjes kombëtare shqiptare, magjistri, filozofi, shkrimtari, publicisti, atdhetari i përkushtuar, Ukshin Hoti edhe sot e kësaj dite konsiderohet ende i zhdukur.
Familja Shabani nga Kërçova ishin miqesuar me Ukshin Hotin nga Amerika përderisa ai ndodhej në Universitetin e Havardit, kështu pas daljes nga burgu më 1985 Ukshin Hoti ishte i ftuar në dasmën e tyre. Kjo familje ende i mban kujtimet me prof.Ukshin Hotin duke shkruar edhe një leter për Andin Hotin, shkruan Gazeta Papirus.
Adi Shabani nga Kerçova 🇦🇱🇺🇸
Shume i çmuari, Andi. Yt at, Ukshin Hoti edhe per se gjalli , edhe si martir, mbetet figura me madheshtore e kombit, ideali i te cilit pothuajse eshte i paperseritshem. Ne si familje Shabani e patem nderin ta kemi mik shpie. Na nderoi edhe ne dasmen familjare.Ndersa ardhja e Ukshinit ne Kerçove, ne qytetin tone te Uskanes se lashte, kishte nje peshe me te larte sesa festa e ahengut te dasmes. Ukshin Hoti na nderoi edhe ne Shba duke qendruar gjithnje pran nesh, me njerezit tane atdhetarë e me dashamiret e shumte qe vinin ta takojne ne restorantin e njohur te familjes Shabani, restorant ne Chicago qe sherbente edhe si vater e kauzes kombetare.
Nuk kish kenaqesi me te veçante se te qendrosh prane tij e ta degjosh rrjedhshmerine e fjales e te mendimit. Ukshini kishte qendrimin e nje burri te paluhatshem dhe kishte dijen e nje intelektuali te jashtezakonshem , aftesi qe ia vleresoi edhe CIA, sepse i ofroi pune. Ishte po aq madheshtore pergjigja e tij dhene CIA-es se Amerika si une mbase mund te kete qindra , por mendja ime i duhet Kosoves, populli im liridashes ka nevoje per te gjithe ne.Paveresisht se kerkesa juaj veshtire refuzohet, prapeseprape do t’i qendroj gjer ne vdekje vendit tim, Kosoves martire.
I nderuar Andi. Ukshin Hoti te mungon si baba, por besomeni, ai i mungon gjithe shqiptarise e posaçerisht i mungon familjes sone te madhe, sepse e deshim dhe na deshi fort. Kurre nuk shlyhen kujtimet qe i ruajme per te. Te rroni e ta kujtoni e Zoti e lartesofte ne graden e martireve te parajses!
/Gazeta Papirus/
