Sot mbushen 13 vjet nga vdekja e veprimtarit të dalluar të çështjes kombëtare, Sabit Veseli.
Sabit Veseli që nga rinia e tij e hershme nga mosha 17-vjeçare, ishte betuar se asnjëherë nuk do të pushonte së vepruari dhe luftuar deri në çlirimin e vendit nga okupatorët.
Shkalla e vendosmërisë së tij ishte vërejtur në vitin 1981 kur kishte organizuar demonstratat e fuqishme kundër pushtuesve në Mitrovicë.
Angazhimi i madh i Sabitit në demonstratat e vitit 1981 kishte bërë që ai të binte në sy të spiunëve të UDB-së, të cilët disa ditë më vonë e kishin arrestuar dhe dënuar me 7 vjet e gjysmë burgim.
Veseli kishte vazhduar jetën organizative edhe pas daljes nga burgu, për t’a vazhduar atë gjatë tërë viteve ’90 e deri në organizimin dhe zhvillimin e luftës çlirimtare nga Ushtria Çlirimtare e Kosovës.
Sabit Veseli kishte humbur jetën tragjikisht në një aksident komunikacioni në fshatin Kushtovë të Mitrovicës, më 6 gusht 2010.
