Një operacion i forcave të Antiterrorit ka bërë të mundur nxjerrjen nga kampi i ISIS në Siri të 13 shqiptarëve.
Bëhet fjalë për 4 gra dhe 9 fëmijë të cilët janë nxjerr nga kampi.
Lajmi është bërë i ditur nga zyrtari i lartë sirian Abdulkarim Omar, i cili ka shkruar në Twitter se ata i janë dorëzuar një delegacioni zyrtar të Qeverisë shqiptare.
“Sot, 27 Maj 2022, 13 shtetas shqiptarë (4 gra dhe 9 fëmijë) të familjeve të organizatës ISIS i janë dorëzuar një delegacioni zyrtar të qeverisë shqiptare, pas nënshkrimit të dokumentit zyrtar të dorëzimit ndërmjet AANES dhe Republikës së Shqipërisë”, thuhet në postim.
Ata do të riatdhesohen në Shqipëri.
