Një ngjarje dramatike ka ndodhur sot në rrugën “Muharrem Fejza” në Prishtinë, ku një person tentoi të hidhej nga kati i 7-të i një ndërtese banimi, shkruan Gazeta Papirus.
Pamjet ekskluzive të siguruara nga burimet tona, treguan momentet kritike, ku qytetarët dhe autoritetet qëndronin në ankth, ndërsa personi ndodhej në buzë të ballkonit.
Fatmirësisht, policia ndërhyri në kohën e duhur. Me një veprim të shpejtë dhe të koordinuar, efektivët arritën të kapin personin dhe ta fusin brenda në banesë, duke shmangur një tragjedi të mundshme.
Në vendin e ngjarjes ishin të pranishëm edhe ekipi mjekësor dhe zjarrfikësit. Personi tani ndodhet nën kujdesin e autoriteteve përkatëse dhe pritet të merret ndihma e nevojshme psikologjike.
Rrethanat e plota të ngjarjes pritet të sqarohen nga policia në vijim, transmeton Gazeta Papirus.
