Sonte do të nisë raundi i tretë dhe final i fazës grupore të Kampionatit Evropian “EURO 2024”.
Në program sonte do të jenë dy ndeshje, të cilat do të luhen në orar të njëjtë, nga ora 21:00.
Katër skuadrat e grupit A duelojnë sonte me njëra-tjetrën, për ta mësuar renditjen finale në tabelë dhe skuadrat që do kalojnë tutje.
Vëmendja padyshim është te ndeshja mes Gjermanisë dhe Zvicrës, një ndeshje mjaft e fortë, pavarësisht se ‘pancerët’ tashmë kanë siguruar kalimin tutje, pas dy fitoreve në dy ndeshjet e para.
Dueli tjetër është ai mes Skocisë dhe Hungarisë.
Gjermania ndodhet e para në tabelë me 6 pikë, e ndjekur nga Zvicra me 4, Skocia e treta me një pikë dhe Hungaria ndodhet pa pikë, me dy humbje pas dy ndeshjeve të para.
