Shqipëria ka shkëlqyer sonte në gjysmëfinalen e parë të ‘Eurovision Song Contest 2025’, që këtë vit po mbahet në Bazel të Zvicrës.
Me një performancë të zjarrtë dhe energjike, grupi Shkodra Elektronike bëri një interpretim perfekt të këngës përfaqësuese “Zjerm” – një përzierje unike mes tingujve tradicionalë shqiptarë dhe muzikës elektronike moderne.
Publiku reagoi menjëherë me entuziazëm dhe duartrokitje, ndërsa në rrjetet sociale kanë nisur të shpërndahen reagimet e para, ku shumë përdorues e kanë quajtur performancën si një ndër më të veçantat e mbrëmjes.
Shqipëria është në garë për të siguruar një nga 10 vendet finaliste, që përcaktohen përmes një sistemi vlerësimi 50% nga juritë profesionale dhe 50% nga publiku.
Grupi Shkodra Elektronike performuan të 12-tët në garë, me ç’rast edhe kodi i tyre i votimit është 12 dhe për të gjithë shqiptarët që duan të votojnë, duhet të dërgojnë kodin 12 nga shtetet në të cilat jetojnë.
Më shumë detaje mbi mënyrat e votimit, i gjeni në këtë artikull.
