Sipas burimeve të besueshme të Paparacit, sot Nezir Çoçaj është parë në Prizren në një takim me kryetarin e Forumit Intelektual, Prof. Dr. Artan Nimani. Takimi ka tërhequr vëmendjen, pasi sipas burimeve, temë kryesore e diskutimit ishin listat zgjedhore për zgjedhjet e 9 shkurtit.
Forumi Intelektual, i cili tashmë ka hyrë në koalicion me AAK-Nismën për zgjedhjet e ardhshme, pritet të luajë një rol të rëndësishëm në këto zgjedhje. Ndërsa prania e z. Çoçaj në këtë takim ngre pyetje nëse ai do të jetë pjesë e listës së kandidatëve për deputet.
Në një postim të fundit në Facebook, kryetari i Forumit, z. Nimani, ka lënë të kuptohet se përgatitjet për listat zgjedhore janë në fazat e fundit, dhe diskutimet si ai i sotmi janë vendimtare për formësimin e ekipit fitues të koalicionit.
